ఆంధ్రభారతి - తాళ్లపాక అన్నమాచార్య కీర్తనలు - కొండంత పొడవుతోడ కోనేటిరాయఁడు వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 331-4
సంపుటము: 4-181

తాళ్లపాక అన్నమాచార్య

రాగము: కౌశి

కొండంత పొడవుతోడ కోనేటిరాయఁడు వీఁడె నిండుకొని రథమెక్కి నిలుచున్నవాఁడు	॥పల్లవి॥
పాతాళవాసులైన బలురక్కసుల మీఁద యేతులఁ బరపెఁ దేరు యిదె దేవుఁడు ఆతల జలధిచొచ్చినట్టి దానవులమీఁద ఘాతతోడఁ దోలె నదె కడు రభసమున	॥కొండ॥
ఆకాశము దూరినట్టి యదటు దైత్యులమీఁద దాకతో నడపించెఁ బంతాన దేవుఁడు దీకొని యష్టదిక్కులఁ దిరిగి యసురలపై భీకరముగా మోగించె బిరుదులు మెరసి	॥కొండ॥
ధరమీఁదఁ గలిగిన దనుజకోట్ల నెల్ల సొరిది శ్రీవేంకటేశుఁడు పారఁదోలెను గరిమ నలమేల్మంగ నురమునఁ బెట్టుకొని తిరముకొలిపెఁ దేరు దిక్కులెల్ల గెలిచి	॥కొండ॥