ఆంధ్రభారతి - తాళ్లపాక అన్నమాచార్య కీర్తనలు - నవమూర్తులైనట్టి నరసింహము వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 331-5
సంపుటము: 4-182

తాళ్లపాక అన్నమాచార్య

రాగము: వరాళి

నవమూర్తులైనట్టి నరసింహము వీఁడె నవమైన శ్రీకదిరి నరసింహము	॥పల్లవి॥
నగరిలో గద్దెమీఁది నరసింహము వీఁడె నగుచున్న జ్వాలానరసింహము నగముపై యోగానందనరసింహము వీఁడె మిగుల వేదాద్రి లక్ష్మీనారసింహము	॥నవ॥
నాఁటుకొన్న భార్గవూటునరసింహము వీఁడె నాఁటకపు మట్టెమళ్లనరసింహము నాఁటి యీ కానుగమానినరసింహము వీఁడె మేఁటి వరాహపు లక్ష్మీనారసింహము	॥నవ॥
పొలసి యహోబలాన బొమ్మిరెడ్డిచెర్లలోన నలిరేఁగిన ప్రహ్లాదనరసింహము చెలఁగి కదిరిలోన శ్రీవేంకటాద్రిమీఁద మెలఁగేటి చక్కని లక్ష్మీనారసింహము	॥నవ॥