ఆంధ్రభారతి - తాళ్లపాక అన్నమాచార్య కీర్తనలు - కొలువుఁడు వలసితేఁ గొలువక మానుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 331-6
సంపుటము: 4-183

తాళ్లపాక అన్నమాచార్య

రాగము: శంకరాభరణం

కొలువుఁడు వలసితేఁ గొలువక మానుఁడు తెలియ నీతఁడే సుండీ దేవదేవోత్తముఁడు	॥పల్లవి॥
పుడిమికాధారము పురుషోత్తముఁడె కుడిచి కట్టెడివారు కోటానఁగోటి విడువుఁ డేటికి బారవేసినగుంటికినెల్ల వొడయ డీతఁడే సుండీ వున్నతోన్నతుఁడు	॥కొలు॥
అమృతమిచ్చినవాఁడు ఆదినారాయణుఁడే సములై జీవించువారు సతానసంఖ్య భ్రమయకుఁ డెండమావిబయళ్లు చెరువులంటా అమర నీతఁడే సుండీ హరి వాసుదేవుఁడు	॥కొలు॥
చెలువుఁ డీతఁడె సుండీ శ్రీవేంకటేశుఁడె పలుకుఁ బంతాలవారు పదివేగురు తలఁచకుఁ డీదోమ దంతితోను సరిగా జలజనాభుఁడే సుండీ సకలలోకేశుఁడు	॥కొలు॥