ఆంధ్రభారతి - తాళ్లపాక అన్నమాచార్య కీర్తనలు - రంటదెప్పరపు రచన మా బదుకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 332-1
సంపుటము: 4-184

తాళ్లపాక అన్నమాచార్య

రాగము: వసంతం

రంటదెప్పరపు రచన మా బదుకు జంటల శ్రీపతిశరణమే నిజము	॥పల్లవి॥
కన్నులయెదుటను గలిగిన జగమే మిన్నక మనసున మెరసేది తిన్నఁగ రేయి నిద్రించినవాఁడనే యెన్నఁగ రేపే యెరిఁగినవాఁడ	॥రంట॥
బాయట నూరక పారెటిగాలే కాయములోపలఁ గలిగేది పోయిన జన్మపుఁబొరుగులవాఁడనే యీయెడ నిటు జనియించితిఁగాని	॥రంట॥
పుడమివెలు పలను బుట్టినరుచులే కడుపులోపలను గరఁగేది కడఁగి శ్రీవేంకటపతి నాలోననే యెడయఁడు యతనినే యిటు గొలిచితిని	॥రంట॥