ఆంధ్రభారతి - తాళ్లపాక అన్నమాచార్య కీర్తనలు - కర్మమూలము జగము గాదని విడువక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 332-5
సంపుటము: 4-188

తాళ్లపాక అన్నమాచార్య

రాగము: దేశాక్షి

కర్మమూలము జగము గాదని విడువక మర్మపు మోక్షము లేదు మానలేరో గర్వము	॥పల్లవి॥
సకలకర్మాలు మాని సన్యాసి యైతేను వొకట వెలితిలేనివున్నతుఁడట ముకెమై వుభయకర్మములు బంధహేతువని ప్రకటించి వేదాంతపఠనమే యెక్కుడు	॥కర్మ॥
బహురూపములు మరచి బ్రహ్మ నిష్ఠుఁడైనయోగి యిహపరముల కతఁడెక్కుడట విహితకర్మము దక్క వీరఘోరకర్మములు సహజపాతకమనేశాస్త్రాలే యెక్కుడు	॥కర్మ॥
సంతతకర్మములెల్ల సంసారమూలములు అంతట నిస్సంగుడైతే నధికుఁడట చింతించి చింతించి శ్రీవేంకటేశ్వరు వంతుకుఁజెప్పన హరివాక్యమే యెక్కుడు	॥కర్మ॥