ఆంధ్రభారతి - తాళ్లపాక అన్నమాచార్య కీర్తనలు - పుట్టించినవాఁడు దానే బుద్ధిచెప్పేవాఁడు దానే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 332-6
సంపుటము: 4-189

తాళ్లపాక అన్నమాచార్య

రాగము: దేవగాంధారి

పుట్టించినవాఁడు దానే బుద్ధిచెప్పేవాఁడు దానే యిట్టె శ్రీహరి నన్నే ట్టీడేరించీనో	॥పల్లవి॥
యెంచుకొందు నొకవేళ నేఁటి సంసారమిదని యించుకవడిలోనే మోహింతు నందుకు కంచువంటి దీమనసు కటకటా యేది వాటి చంచలుఁడ హరి నన్నేసంగతి సేసీనో	॥పుట్టించి॥
తలఁతు నేనొకవేళ దైవము గనేనని కలిమి నంతటిలోనె కడు మరతు చలపట్టె నిదివో నాజన్మములకేది వాటి కలుషచిత్తుఁడ నన్నేకందువఁ బెట్టీనో	॥పుట్టించి॥
జ్ఞానినౌదు నొకవేళ సరిఁ గర్మినౌదును మానువంటిదీగుణము మరేది వాటి కోనల శ్రీవేంకటేశుఁ గొలిచి నే శరణంటి మానిసి నింతే యెట్టు మన్నించీనో	॥పుట్టించి॥