ఆంధ్రభారతి - తాళ్లపాక అన్నమాచార్య కీర్తనలు - అన్నియు నాలో నుండఁగ నవ్వల నేమి చూచేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-1
సంపుటము: 4-190

తాళ్లపాక అన్నమాచార్య

రాగము: గుండక్రియ

అన్నియు నాలో నుండఁగ నవ్వల నేమి చూచేము యెన్నఁడు గాననిమాయ యెరఁగవో మనసా	॥పల్లవి॥
యీడనే సంసార మిదె యింద్రజాలమై యుండఁగ యేడకైనాఁ జూడఁ బోయే మింద్రజాలము పాడితో నా పట్టుగులే బహురూపాలై యుండఁగ వేడుకయ్యీ బహురూపవిద్యలు చూడఁగను	॥అన్ని॥
నటన దినదినము నాటకమై యుండఁగాను సటవట నాటకాలు సారెఁ జూచేము ఘటన మాయలెదుటఁ గనుకట్టై వుండఁగాను అటమటపువిద్యలు అన్నియుఁ జూచేము	॥అన్ని॥
పాపపుణ్యములు రెండు బారివిద్య లుండఁగాను కోపుల నాటలవారిఁ గోరి చూచేము యేపున శ్రీవేంకటేశు డిటు మమ్ము భ్రమపాపె నాపనులు నేనే చూచి నవ్వులు నవ్వేను	॥అన్ని॥