ఆంధ్రభారతి - తాళ్లపాక అన్నమాచార్య కీర్తనలు - ఇతరోపాయములెల్ల యీ సందివే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-2
సంపుటము: 4-191

తాళ్లపాక అన్నమాచార్య

రాగము: గుజ్జరి

ఇతరోపాయములెల్ల యీ సందివే అతిశయపదమైతే హరిదాస్యఫలమే	॥పల్లవి॥
కర్మము సేయ నేరరా కడఁగి సన్యాసులు కర్మము విడిచి మోక్షముఁ బొందిరి ధర్మమెరఁగనివారా తత్వపుయోగీంద్రులు సర్వ- ధర్మము విడిచి హరిఁ దమలోనే కనిరి	॥ఇత॥
దానాలు సేయనేరరా తగిలి యోగీంద్రు లన్ని మాని హరిజపమే నెమ్మడిఁ జేసిరి నానావిధు లెరఁగరా నాఁడు విభీషణాదులు శ్రీనాథు శరణని చిరదేహులైరి	॥ఇత॥
సతతసంగములెల్ల జన్మబంధహేతువని మతిమంతులైనవారు మానిరిగాక హితవైన శ్రీవేంకటేశ్వరుని శరణని బ్రతుకరా యిందు నందుఁబ్రపన్నులెల్లను	॥ఇత॥