ఆంధ్రభారతి - తాళ్లపాక అన్నమాచార్య కీర్తనలు - హరియవతారమె ఆతఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-3
సంపుటము: 4-192

తాళ్లపాక అన్నమాచార్య

రాగము: సౌరాష్ట్రం

హరియవతారమె ఆతఁ డితఁడు పరమసంకీర్తనఫలములో నిలిపె	॥పల్లవి॥
వున్నాఁడు వైకుంఠమున నున్నాఁడు యాచార్యునొద్ద వున్నతోన్నతమహిమ నన్నమయ్య వున్నవి సంకీర్తనాలు వొట్టుక లోకములందు పన్నిన నారదాదులు పైపైఁ బాడఁగను	॥హరి॥
చరియించు నొకవేళ సనకాదిమునులలో హరిఁ బాడుఁ దాళ్ళపాకఅన్నమయ్య తిరమై యాళువారల తేజము దానైయుండు గరుడానంతముఖ్య ఘనులంగడిని	॥హరి॥
శ్రీవేంకటాద్రిమీఁద శ్రీపతికొలువునందు ఆవహించెఁ దాళ్ళపాకఅన్నమయ్య దేవతలు మునులును దేవుఁడని జయవెట్టఁ గోవిదుఁడై తిరిగాడీఁ గోనేటిదండను	॥హరి॥