ఆంధ్రభారతి - తాళ్లపాక అన్నమాచార్య కీర్తనలు - ఉండినట్టే వుండును వుండకున్న మానును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-4
సంపుటము: 4-193

తాళ్లపాక అన్నమాచార్య

రాగము: రామక్రియ

ఉండినట్టే వుండును వుండకున్న మానును అండనే శ్రీహరిమాయ నమరిన లోకము	॥పల్లవి॥
యేదైనా మంచిదే యెట్టయినా మంచిదే సేద దేరినట్టి పూర్ణచిత్తునకును కాదు గూడదనరాదు కలస్వభావమునకు ఆదినుండి హరిమాయ నత్తినడి లోకము	॥ఉండి॥
యెండైనా మంచిదే యెంతనీడైనా మంచిదే పండినజ్ఞానభక్తుల ప్రసన్నులకు నిండె నిండదనరాదు నిచ్చనిచ్చఁబ్రకృతికి కొండవంటిహరిమాయ గురియైనలోకము	॥ఉండి॥
పాపమైన మంచిదే బలుపుణ్యమైన మంచిదే శ్రీపతిని శరణన్నజీవునికిని వోప నోపేన రాదు వొద్దిక శ్రీవేంకటేశు చేపట్టినమాయలోనఁ జిక్కినది లోకము	॥ఉండి॥