ఆంధ్రభారతి - తాళ్లపాక అన్నమాచార్య కీర్తనలు - నీకే నే శరణు నీవు నన్నుఁ గరుణించు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-5
సంపుటము: 4-194

తాళ్లపాక అన్నమాచార్య

రాగము: శంకరాభరణం

నీకే నే శరణు నీవు నన్నుఁ గరుణించు యీకడ నాకడ దిక్కు యెవ్వరున్నా రిఁకను	॥పల్లవి॥
కన్నులఁ జంద్రసూర్యులుగలవేలుపవు నీవు పన్నినలక్ష్మిభూమిపతివి నీవు అన్నిటా బ్రహ్మకుఁ దండ్రియైన యాదివేలుపవు యెన్నఁగ నీకంటే ఘన మెవ్వరున్నా రిఁకను	॥నీకే॥
దేవతలందరు నీ తిరుమేనైనమూర్తి ఆవలఁ బాదాన లోక మణఁచితివి నీవొక్కఁడవే నిలిచిన దేవుఁడవు యేవేళ నీకంటే నెక్కుడెవ్వరున్నా రిఁకను	॥నీకే॥
అరసి జీవులకెల్ల నంతరాత్మవైన హరి సిరుల వరములిచ్చే శ్రీవేంకటేశ పురుషోత్తముఁడవు భువనరక్షకుఁడవు యిరవైననీవేకాక యెవ్వరున్నా రిఁకను	॥నీకే॥