ఆంధ్రభారతి - తాళ్లపాక అన్నమాచార్య కీర్తనలు - కటకటా యీ ప్రాణి గతి గనుట యెన్నఁడో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 333-6
సంపుటము: 4-195

తాళ్లపాక అన్నమాచార్య

రాగము: శుద్ధవసంతం

కటకటా యీ ప్రాణి గతి గనుట యెన్నఁడో అటు నా వశము గాదు హరి నీచేఁ గాని	॥పల్లవి॥
పాపము నెరుఁగుదు బంధము నెరుఁగుదు మాపుదాకా నివి నేను మానలేఁగాని కోపము దుర్గుణమని కొంత గొంత యెరుఁగుదు తీపుల యాసలఁ బడి తిప్పలేఁగాని	॥కట॥
చూతును దుఃఖాలవారిఁ జూతును బుట్టేవారి యీతల నాకు వెరపు యించుక లేదు గాతల నామనసెల్లఁ గల్పించినట్లవును చేతనైనా చెప్పినట్టు సేయలేఁగాని	॥కట॥
నావంకఁ గడమ గాఁక నా గురుఁడు తొల్లె నన్ను శ్రీవేంకటేశుఁడ నీచేతికిచ్చెను దైవమొక్కఁడవే నీ దాసానుదాసుఁడనైతి యేవిధులు నే నెరఁగ నిటు నిన్నేకాని	॥కట॥