ఆంధ్రభారతి - తాళ్లపాక అన్నమాచార్య కీర్తనలు - పరమోపకారులు ప్రత్యక్షదైవములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 334-4
సంపుటము: 4-199

తాళ్లపాక అన్నమాచార్య

రాగము: మలహరి

పరమోపకారులు ప్రత్యక్షదైవములు హరిదాసు లిత్తురు బ్రహ్మానందసుఖము	॥పల్లవి॥
పాపుదురు లోకములో పాపపంకమెల్లాను దీపించ శ్రీపాదతీర్థమున వోపుదురు హీనుల వున్నతులఁగాఁ జేయ చేపట్టి కన్నులెదుటిసేవామాత్రమున	॥పర॥
చెఱుతు రజ్ఞానమెల్లా జనులు తమ్ముఁజేరిన మఱియుఁ దమప్రసాదమహిమవల్ల తెఱచిత్తురు మోక్షము తెరువు ప్రాణులకెల్లా మొఱఁగి మూలనుండి మొక్కినమాత్రమున	॥పర॥
చెల్లఁబెట్టుదు రెందైనా చిల్లరకులమువారి తెల్లమిగా మంత్రోపదేశమున యిల్లిదె శ్రీ వేంకటేశ యెక్కుడుసేసిరి మమ్ము సల్లాపనల తమసహవాసములను	॥పర॥