ఆంధ్రభారతి - తాళ్లపాక అన్నమాచార్య కీర్తనలు - నాకుఁ గల పని యిదె నారాయణుఁడ నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 334-5
సంపుటము: 4-200

తాళ్లపాక అన్నమాచార్య

రాగము: ధన్నాసి

నాకుఁ గల పని యిదె నారాయణుఁడ నీవు శ్రీకాంతుడవు నాకు సిద్ధించుకొరకు	॥పల్లవి॥
జలధివంటిది సుమీ చంచలపు నామనసు కల వింద్రియముల నేటిజలచరములు వొలసి భక్తెనెడి వోడ యెక్కితి నేను జలశాయి నీవ నేటిసరకు దెచ్చుటకు	॥నాకు॥
కొండవంటిది సుమీ కొనకెక్కు నామనసు వుండుఁ గామాదులను వురుమృగములు వుండి నీశరణమను వూఁత గొని యెక్కితిని కొండలప్ప నీవనేటి కొనఫలముకొరకు	॥నాకు॥
టీవులను ధరణివంటిది సుమీ నామనసు నీవె శ్రీవేంకటేశ నిక్షేపము వావాత నీవనేటి వసిదవ్వి కైకొంటి భూవిభుఁడ నీవనేటి పురుషార్థము	॥నాకు॥