ఆంధ్రభారతి - తాళ్లపాక అన్నమాచార్య కీర్తనలు - అంతటనే వచ్చి కాచు నాపద్బంధుఁడు హరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 334-6
సంపుటము: 4-201

తాళ్లపాక అన్నమాచార్య

రాగము: కాంభోది

అంతటనే వచ్చి కాచు నాపద్బంధుఁడు హరి వంతుకు వాసికి నతనివాఁడనంటేఁ జాలు	॥పల్లవి॥
బంతిఁగట్టి నురిపేటి పసురము లెడ నెడఁ బొంత నొక్కొక్క గవుక వుచ్చుకొన్నట్టు చెంతల సంసారము సేయు నరుఁడందులోనె కొంత గొంత హరి నాత్మఁ గొలుచుటే చాలు	॥అంత॥
వరుసఁ జేఁదు దినేవాడు యెడ నెడఁ గొంత సరవితోడుతఁ దీపు చవిగొన్నట్టు దురితవిధులు సేసి దుఃఖించు మానవుఁడు తరవాత హరిపేరు దలఁచుటే చాలు	॥అంత॥
కడుఁ బేదైనవాఁడు కాలకర్మవశమున అడుగులోనే నిధాన మటు గన్నట్టు యెడసి శ్రీవేంకటేశు నెరఁగక గురునాజ్ఞ పొడగన్నవానిభక్తి పొడముటే చాలు	॥అంత॥