ఆంధ్రభారతి - తాళ్లపాక అన్నమాచార్య కీర్తనలు - దైవమా నీవే దయాధర్మము దలఁచు టింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 335-1
సంపుటము: 4-202

తాళ్లపాక అన్నమాచార్య

రాగము: నాగవరాళి

దైవమా నీవే దయాధర్మము దలఁచు టింతే వావిరి నౌఁగాదన నవ్వల నిఁక నెవ్వరో	॥పల్లవి॥
యెంచఁగ నీదేహమిది యింద్రియాదులకుఁ జరఁ వంచనతో విడిపించువారలెవ్వరో పంచభూతాలకుఁ జర బ్రదికేటి బ్రదుకెల్ల యించుకంత దయఁజూడ నిఁక నెవ్వరో	॥దైవ॥
పోరచి నామన సిది పుణ్యపాపాలకుఁ జర మారుకొని విడిపించ మరి యెవ్వరో తీరని నాజన్మ మిది దినభోగాలకుఁ జర యీరీతి విడిపించ నిఁక నెవ్వరో	॥దైవ॥
ఆతుమ యనాదినుండి హరి నీభక్తికిఁ జర ఆతల నెవ్వరికైనా నరుహమౌనా యీతల శ్రీవేంకటేశ యిటు నీవే కాతుగాక ఘాతల నీదాసులకు గతి యెవ్వరో	॥దైవ॥