ఆంధ్రభారతి - తాళ్లపాక అన్నమాచార్య కీర్తనలు - ఏలికవు నీవట యింకా దైన్యమేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 335-2
సంపుటము: 4-203

తాళ్లపాక అన్నమాచార్య

రాగము: నారాయణి

ఏలికవు నీవట యింకా దైన్యమేల తాలిమి నీ చేఁతలకుఁ దగవు గాదనరా	॥పల్లవి॥
ఘనకర్మానుభవమే కావలె నొండె నాకు వనజాక్ష నీసేవే వలె నొండె కినుకఁ బూఁటయు సంకెలయు రెండు నేల ననిచి యిందుకు నిన్ను నవ్వేరుసుమ్మీ	॥ఏలి॥
పైకొని నేఁ జేసినపాపమె కావలె నొండె తూకొని నీనామముచేఁ దుంచుట యొండె సాకిరి చంకదుడ్డు శరణార్తి రెండు నేల మేకొని యీవట వింటే మెత్తురా నిన్నును	॥ఏలి॥
యిరవుగా మరపొండె యెరుక గావలె నొండె సరస రెండును నైన సంగతౌనా గరిమ శ్రీవేంకటేశ కరుణించితివి నన్ను సరిబేసి జంటమాట జరపకు మిఁకను	॥ఏలి॥