ఆంధ్రభారతి - తాళ్లపాక అన్నమాచార్య కీర్తనలు - ఏమి సేతు నిందుకు మందేమైనఁ బోయరాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 335-3
సంపుటము: 4-204

తాళ్లపాక అన్నమాచార్య

రాగము: బలహంస

ఏమి సేతు నిందుకు మందేమైనఁ బోయరాదా సామజగురుఁడ నీతో సంగమొల్ల దేఁటికే	॥పల్లవి॥
మాయలసంసారము మరిగిన కర్మము ఈయెడ నిను మరుగ దేఁటికో హరి కాయజకేలిపైఁ దమిగలిగిన మనసు కాయజుతండ్రి నీపైఁ గలుగ దిదేఁటికే	॥ఏమి॥
నాటకపుఁగనకము నమ్మినట్టిబదుకు యేఁటికి నీభక్తి నమ్మదేలే హరి గూఁటఁబడే పదవులు గోరేటిజీవుఁడు కూటువైననిజముక్తి గోరడిఁది యేఁటికే	॥ఏమి॥
పాపపుణ్యములకె పాలుపడ్డ నేను యేపున నీపాలఁ జిక్క నేలకో హరి శ్రీపతివి నాలోని శ్రీవేంకటేశుఁడ నీపేరివాఁడ నాకు నిండుమాయ లేఁటికే	॥ఏమి॥