ఆంధ్రభారతి - తాళ్లపాక అన్నమాచార్య కీర్తనలు - తల్లియుఁ దండ్రియు మరి దైవము నాతఁడే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 335-4
సంపుటము: 4-205

తాళ్లపాక అన్నమాచార్య

రాగము: దేసాళం

తల్లియుఁ దండ్రియు మరి దైవము నాతఁడే కాక యెల్ల జీవులకు మరి యెవ్వరింక దిక్కు	॥పల్లవి॥
యీ సంసారమునకు యితఁడె దిక్కు నేఁ- జేసేటిచేఁతలకెల్ల శ్రీపతే లోను పాసిపోఁడెప్పుడు నన్ను బందువుఁడితఁడే నాకు దాసుఁడైనవాఁడు హరిఁ దగదు దూరఁగను	॥తల్లి॥
చావుఁబుట్టుగులవేళ సతము నీతఁడే సావి భోగములకు నిచ్చకుఁడీతఁడే భావములోపల నుండుప్రాణ మీతఁడే నాకు దైవము దూరగనేల తనకేమి వచ్చినా	॥తల్లి॥
తలఁపులోపలికి యీదైవమే తోడు యిలఁ గలిమిలేములు కీతఁడే తోడు పలుకులోపల నుండుభాగ్య మీతఁడె నాకు కొలిచి శ్రీవేంకటేశుఁ గొసరఁగనేఁటికి	॥తల్లి॥