ఆంధ్రభారతి - తాళ్లపాక అన్నమాచార్య కీర్తనలు - విడువ విడువ నింక విష్ణుఁడ నీపాదములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 335-5
సంపుటము: 4-206

తాళ్లపాక అన్నమాచార్య

రాగము: సౌరాష్ట్రం

విడువ విడువ నింక విష్ణుఁడ నీపాదములు కడఁగి సంసారవార్ధి కడు ముంచుకొనిన	॥పల్లవి॥
పరమాత్మ నీవెందో పరాకైయున్నాను పరగ నన్నింద్రియాలు పరచినాను ధరణిపైఁ జెలరేఁగి తనువు వేసరినాను దురితాలు నలువంకఁ దొడికి తీసినను	॥విడు॥
పుట్టుగు లిట్టె రానీ భువి లేక మాననీ వట్టి ముదిమైన రానీ వయసే రానీ చుట్టుకొన్నబంధములు చూడనీ వీడనీ నెట్టుకొన్నయంతరాత్మ నీకు నాకుఁ బోదు	॥విడు॥
యీదేహమే యయిన ఇఁక నొకటైనాను కాదు గూడదని ముక్తి కడకేఁగినా శ్రీదేవుఁడవైన శ్రీవేంకటేశ నీకు సోదించి నీశరణమె చొచ్చితి నే నిఁకను	॥విడు॥