ఆంధ్రభారతి - తాళ్లపాక అన్నమాచార్య కీర్తనలు - చలువకు వేఁడికి సరికి సరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 336-6
సంపుటము: 4-213

తాళ్లపాక అన్నమాచార్య

రాగము: సామంతం

చలువకు వేఁడికి సరికి సరి కలదిఁక హరి నీ కరుణే మాకు	॥పల్లవి॥
కాయము గలిగినఁ గలుగుఁ దోడనే పాయపుమదములు పైపైనే రోయదు తనుఁ గని రుచులే వెదకును యేయెడ హరి నిను నెరుఁగుట యెపుడో	॥చలు॥
కడుపు నిండితే ఘనమై నిండును బడిఁ బంచేంద్రియపదిలములు విడువ వాసలును వెలయు బంధములు కడగని మోక్షము గైకొనుటెపుడో	॥చలు॥
పెక్కులు చదివిన పెనఁగుఁ దోడనే తెక్కుల పలు సందేహములు యెక్కువ శ్రీవేంకటేశ నీవె మా- నిక్కపు వేల్పవు నీచిత్త మిఁకను	॥చలు॥