ఆంధ్రభారతి - తాళ్లపాక అన్నమాచార్య కీర్తనలు - విడువుము మనసా వీరిడి చేఁతలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 337-3
సంపుటము: 4-216

తాళ్లపాక అన్నమాచార్య

రాగము: శోకవరాళి

విడువుము మనసా వీరిడి చేఁతలు తడయక శ్రీహరిఁ దలఁచవొ యిఁకను	॥పల్లవి॥
నానాఁడే యెనఁబది నాలుగులక్షలు యోనుల వెడలితి నొక్కఁడనే ఆనిన భోగములందలివే పో కానము యిఁకనేమి గడియించేము	॥విడు॥
నలుగడ నటు పదునాల్గు లోకములు వెలయఁ జొచ్చితిని వెడలితిని కలిగినదేదో కలుగనిదేదో తెలియ దేమిటికిఁ దిరిగేవమో	॥విడు॥
భువిలోఁ జేసితి పుణ్యముఁ బాపము కవిసి యాఫలము గైకొంటిని యివల శ్రీవేంకటేశుఁడింతలో తవిలి యేలఁగా ధన్యుఁడనైతి	॥విడు॥