ఆంధ్రభారతి - తాళ్లపాక అన్నమాచార్య కీర్తనలు - పాపముఁ బుణ్యము పరగ నొకట నదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 337-5
సంపుటము: 4-218

తాళ్లపాక అన్నమాచార్య

రాగము: హిజ్జిజ్జి

పాపముఁ బుణ్యము పరగ నొకట నదె వోపినవారలు వొడిఁ గట్టెడిది	॥పల్లవి॥
నాలుకతుదనే నానారుచులును నాలుకవే హరినామమును పోలింప నొక్కటి భోగమూలము మూల నొకటది మోక్షమూలము	॥పాప॥
మనసున నదివో మగువలమోహము అనుగుమనసుననె హరిచింత పనివడి యొక్కటె ప్రపంచమార్గము కొన నొకటే వైకుంఠమార్గము	॥పాప॥
వెలుఁగుఁ జీఁకటియు వెస నొకనాఁడే కలిగె నట్ల నివి కలిగినవి యిలలో శ్రీవేంకటేశు మా యొకటి తలఁప నొక టతనిదాసులసుగతి	॥పాప॥