ఆంధ్రభారతి - తాళ్లపాక అన్నమాచార్య కీర్తనలు - హరిదాసులే మాకు నడ్డమై కాతురు గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 337-6
సంపుటము: 4-219

తాళ్లపాక అన్నమాచార్య

రాగము: సౌరాష్ట్రం

హరిదాసులే మాకు నడ్డమై కాతురు గాక శరణంటి వారికి నే సకలోపాయములు	॥పల్లవి॥
పెరుగఁబెరుఁగఁగానే పెద్దలాయ నింద్రియాలు యిరవైనమాబుద్ధు లిందుగొల్పీనా తిరిగితిరిగి మాకు ద్రిష్టమాయ జన్మములు దురితాలుఁ బుణ్యాలుఁ దోసేమా యిఁకను	॥హరి॥
కూడఁగూడ నానాఁటఁ గొనకెక్కెఁ గోరికలు వీడనిబంధము లన్నీ విడిచీనా పాడితో నీడా నాడఁ బ్రాణములుఁ దీపులాయ యేడనున్ననేము నేమే యెరిఁగేమా యిఁకను	॥హరి॥
చింతించఁ జింతించఁ జేతికి వచ్చె మనసు అంతలో శ్రీవేంకటేశుఁ డంది కాచెను దొంతులై తిరుమంత్రము తోడనే నాలుక నంటె మంతనాన గురుసేవ మరచేమా యిఁకను	॥హరి॥