ఆంధ్రభారతి - తాళ్లపాక అన్నమాచార్య కీర్తనలు - బంటుకు బంటవుదురా పాపముగాక నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 338-6
సంపుటము: 4-225

తాళ్లపాక అన్నమాచార్య

రాగము: లలిత

బంటుకు బంటవుదురా పాపముగాక నీ- బంటుకు బంట్లమై బదికేము నేము	॥పల్లవి॥
పాతాళముననున్న బలివాకిలి గాచేవు దూతవై పాండవుల పొందున నుంటివి యీతల యేలిక బంటు యీవరుస దప్పె నిఁక చేతనే నిన్నుఁగొలువఁ జింతయ్యీ నిందుకే	॥బంటు॥
పాండవులదూతవై పనిసేసితివి వారు అండ నీదూతలయ్యేది అమరుఁగాక నిండి గురు దైవమనే నియమము దప్పె నిదే మెండు నీదాసులకెల్ల మేర మితి యేదయ్యా	॥బంటు॥
పరగ నౌలే నీవు భక్తవత్సలుండ వౌదు తిరమై యెరఁగకాడితిమి యిందాఁకాను అరుదైన శ్రీవేంకటాద్రీశుఁడవు నీకు సిరులనే శరణంటిఁ జేసినట్టు సేయవే	॥బంటు॥