ఆంధ్రభారతి - తాళ్లపాక అన్నమాచార్య కీర్తనలు - ఊరకే నోరుమూసుక వొంటి నీకు మొక్కేమయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 339-5
సంపుటము: 4-230

తాళ్లపాక అన్నమాచార్య

రాగము: దేశాక్షి

ఊరకే నోరుమూసుక వొంటి నీకు మొక్కేమయ్య చేరి నారాయణ నీవు చేసినట్టు సేయవే	॥పల్లవి॥
హరినామముఁ దలఁచి అణఁచేనంటేనయ్య సరి నా పాతకములు చాల వందుకు నరహరినామ మెంచి నాకుఁ గూడపెట్టేనంటే అరుదైన పుణ్యములు అన్నిలేవు భూమిని	॥ఊర॥
రామనామము నొడిగి రవ్వల బోఁజోఁపే నంటే తామసపునరకాలు దగ్గరవందు వామననామమెంచి వరస్వర్గ మెక్కేనంటే యేమిటా నాకడ వారికెడచా దదియు	॥ఊర॥
గోవిందనామముచేతఁ గుదించే భవములంటే పావనమాయను నీభక్తివల్లను శ్రీవేంకటేశ నేను చేకొని నీశరణంటి యేవిధులు నెరఁగను యిదివో నీచిత్తము	॥ఊర॥