ఆంధ్రభారతి - తాళ్లపాక అన్నమాచార్య కీర్తనలు - జ్ఞానంబొకటే జగమున కధికం మరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 339-6
సంపుటము: 4-231

తాళ్లపాక అన్నమాచార్య

రాగము: బౌళిరామక్రియ

జ్ఞానంబొకటే జగమున కధికం మరి నానావిధములు నటనలు	॥పల్లవి॥
బహుదానఫలము పడయుటకంటే యిహమున వైరాగ్య మెక్కుడు సహజకర్మములు శతములకంటే అహిశయనుని భక్తధికము	॥జ్ఞానం॥
ధరఁ దపములనంతంబులకంటే గరిమల శాంతము ఘనము విరసాచారము వేవేలకంటే హరినామపఠన మధికము	॥జ్ఞానం॥
ఆవల వ్రతములు అన్నిటికంటే శ్రీవైష్ణవమే శేఖరము శ్రీవేంకటేశ్వరుచేఁతలె యివిగన సేవ యిదొకటే చింతింప ఘనము	॥జ్ఞానం॥