ఆంధ్రభారతి - తాళ్లపాక అన్నమాచార్య కీర్తనలు - ఉన్న సుద్దులేల మాకు వూర విచారములెల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 340-5
సంపుటము: 4-236

తాళ్లపాక అన్నమాచార్య

రాగము: హిందోళం

ఉన్న సుద్దులేల మాకు వూర విచారములెల్ల వెన్నునికి మొక్కుటే వేవేలు మాకు	॥పల్లవి॥
నగధర నందగోప నరసింహ వామన జగదేకపతియనే జపము మాది తగు హరిడింగరీఁడ దాసుఁడ బంటననేటి- మిగులఁ బెద్దతనము మించేది మాకు	॥ఉన్న॥
హరి పుండరీకాక్ష ఆదినారాయణయనేటి- ధర నామమంత్రములే ధనము మాకు సరుస శంఖచక్రాలు సర్వేశుదాసుల సేవె మరిగినదె మామతమును మనికె	॥ఉన్న॥
శ్రీవేంకటేశయని శేషగిరివేదాద్రి భావించి కొలుచుటే మాబ్రదుకెల్లను కైవల్యమిదియె కంటి మిట్టి మంచిత్రోవ పావనమైతిమి మమ్ముఁ బాలించె నితఁడు	॥ఉన్న॥