ఆంధ్రభారతి - తాళ్లపాక అన్నమాచార్య కీర్తనలు - కన్నవారివద్ద నెల్లఁ గావంగ నేమి గద్దు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 341-1
సంపుటము: 4-238

తాళ్లపాక అన్నమాచార్య

రాగము: భూపాళం

కన్నవారివద్ద నెల్లఁ గావంగ నేమి గద్దు యిన్నిటికి నియ్యఁగొన నీతఁడే స్వతంత్రుఁడు	॥పల్లవి॥
పరిమేష్ఠిగన్నతండ్రిఁ బాటించి కొలువరో అరుదై లోకాలకెల్ల నతఁడే తండ్రి సిరిమగఁడైనవానిఁ జేపట్టి తలఁచరో సిరులిచ్చేమేఁటిదాత సృష్టికెల్ల నతఁడే	॥కన్న॥
అంబరీషుఁ గావఁ జక్రమంపినవానిఁ జేరరో అంబుజభవాండాన కతఁడే రక్ష పంబిన భూకాంతపతిఁ బాయక సేవించరో వుంబళ్లు వూళ్లు నిచ్చేవున్నతుఁడు నతఁడే	॥కన్న॥
మూలమంటేఁ గరిఁగాచేముఖ్యునికి మొక్కరో మూలధనమైయుండీ ముందర నిట్టె యీలీలఁ జిత్తజుతండ్రి నెదలోనఁ గొలువరో పాలించ శ్రీవేంకటాద్రిపతియాయ నితఁడే	॥కన్న॥