ఆంధ్రభారతి - తాళ్లపాక అన్నమాచార్య కీర్తనలు - తొల్లి యేరుపరచిరి దొడ్డవాఁడు హరియని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 341-2
సంపుటము: 4-239

తాళ్లపాక అన్నమాచార్య

రాగము: లలిత

తొల్లి యేరుపరచిరి దొడ్డవాఁడు హరియని యెల్ల సందేహాలు బాసె నిఁకనేల చింత	॥పల్లవి॥
నారదుఁడు సోదించి నారాయణు నెరిఁగె సారెకు శివుఁ డెరిఁగి చాటె రాముని చేరి సోదించెఁ బార్వతి శ్రీరామచంద్రుని యేరీతుల సోదించేము యింతకంటె నేము	॥తొల్లి॥
వేదవ్యాసులు దెలిసే వెదకి విష్ణునిఁ జెప్పె సాదించితని యోగిసనకాదులు యీదెస శుకాదులెల్ల నెరిఁగిరి మాధవుని కాదని వీరికంటె గతి గానఁగలమా	॥తొల్లి॥
పెక్కుగాలము చదివి పెక్కేండ్లుబదికి పెక్కు రుషులిందుననె పెద్దలైరి దక్కఁగ శ్రీవేంకటేశు ధనముగాఁ జూపి రిదె తక్కక కొలిచితిమి దైవమని కంటిమి	॥తొల్లి॥