ఆంధ్రభారతి - తాళ్లపాక అన్నమాచార్య కీర్తనలు - దైవమా నీ చేఁతలు తప్పదు మా రోఁతలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 342-4
సంపుటము: 4-247

తాళ్లపాక అన్నమాచార్య

రాగము: శుద్ధవసంతం

దైవమా నీ చేఁతలు తప్పదు మా రోఁతలు యేవలఁ జూచినఁ బాయ దేమందమయ్యా	॥పల్లవి॥
కాయములో హేయమదె కమ్మఁబూఁత మీఁద నదె రోయదు చిత్తమునకు రుచియే తోఁచీ మాయలనే పొరలేది మాఁటలనే విసిగేది యేయెడఁ గనీ గాన మేమందమయ్యా	॥దైవ॥
పుట్టుగది యెంగిలి పూఁచిన దాచారము గుట్టు చెడదందునాను గుణమే తోఁచీ వట్టియాసఁ బొరలేది వంతఁ బడి తిరిగేది యెట్టు వేగించఁగవచ్చు నేమందమయ్యా	॥దైవ॥
నిక్కిచూచితే నెరుక నిద్దిరించితే మరపు మక్కళించినబదుకు మంచిదై తోఁచీ మిక్కిలి శ్రీవేంకటేశ మీకు నేను శరణంటే యెక్కువాయ నాపదవి యేమందమయ్యా	॥దైవ॥