ఆంధ్రభారతి - తాళ్లపాక అన్నమాచార్య కీర్తనలు - అనుచు మునులు ఋషు లంతనింత నాడఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 342-6
సంపుటము: 4-249

తాళ్లపాక అన్నమాచార్య

రాగము: భైరవి

అనుచు మునులు ఋషు లంతనింత నాడఁగాను వినియు విననియట్టె వీడె యాడీఁ గాని	॥పల్లవి॥
ముకుందుఁ డితఁడు మురహరుఁ డితఁడు అకటా నందునికొడుకాయఁగాని శకుంతగమనుఁ డితడు సర్వేశుఁ డితఁడు వెకలి రేపల్లెవీధి విహరించీఁగాని	॥అను॥
వేదమూరితి ఇతఁడు విష్ణుదేవుఁ డితఁడు కాదనలేక పసులఁ గాచీఁగాని ఆదిమూల మితఁడు యమరవంద్యుఁ డితఁడు గాదిలిచేఁతల రోలఁ గట్టువడెఁగాని	॥అను॥
పరమాత్ముఁ డితఁడే బాలుఁడై వున్నాఁడుగాని హరి యీతఁడే వెన్నముచ్చాయఁగాని పరగ శ్రీవేంకటాద్రిపతియును నీతఁడె తిరమై గొల్లెతలచేఁ దిట్టువడీఁగాని	॥అను॥