ఆంధ్రభారతి - తాళ్లపాక అన్నమాచార్య కీర్తనలు - మానరో వో లోకులాల మాకు మీకు నేమి దోడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 343-1
సంపుటము: 4-250

తాళ్లపాక అన్నమాచార్య

రాగము: మలహరి

మానరో వో లోకులాల మాకు మీకు నేమి దోడు నాఁటికిఁక మీకు నవ్వుఁబాటు నేము	॥పల్లవి॥
యిరవై నానోటికి యెన్నెన్ని చదివిన హరియనేయంతరుచి అందు లేదు గరిమ నెన్నిరూపులు కన్నుల నేఁ జూచినాను పురుషోత్తముఁ జూచినపూర్తి యందు లేదు	॥వన॥
యెచ్చోట నుండినాను యిందిరేశుమందిరము చొచ్చి యుండేసుఖ మంత చొప్పడ దందు కచ్చుపెట్టి వీనులకుఁ గతలెన్ని విన్నాను అచ్చుతుకీర్తన వినేయందు సరి రాదు	॥వన॥
కైపుగాఁగ కన్నవారికాళ్ళకు మొక్కినాను శ్రీపతికిమొక్కినంత సెలవు గాదు యేపున శ్రీవేంకటేశు నిటులఁ బూజించినట్టు మాపుదాఁకా నితరుల మనసురాదు	॥వన॥