ఆంధ్రభారతి - తాళ్లపాక అన్నమాచార్య కీర్తనలు - పట్టిన ముట్టనుండరు పదరుదు రంతలోనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 343-2
సంపుటము: 4-251

తాళ్లపాక అన్నమాచార్య

రాగము: దేవగాంధారి

పట్టిన ముట్టనుండరు పదరుదు రంతలోనే యెట్టనె(యే?)దుటిమిమ్ము నెరిఁగీ నెరఁగరు	॥పల్లవి॥
గుక్కక మూఁడులోకాలు గొలిచితివని నీకు మొక్కుదురు; పరులకు మొక్కకుండరు అక్కరదీర శ్రీపతివని నిన్ను వేఁడుదురు వెక్కసపుఁ దైవాల వేఁడుకోక మానరు	॥పట్టి॥
కందువ బ్రహ్మగన్నట్టి ఘనుఁడవు నీవార- మందురు; పరులవారమనకుండరు అంది వేదాలు దెచ్చేయాతఁడవు నీవే యని యెందు నెంచి, పరులను యెంచకుండరు	॥పట్టి॥
యిత్తల నారదాదుల కేలికని నీమరఁగు చొత్తురు; పరులమాఁటు చొర కుండరు అత్తిన శ్రీవేంకటేశ యన్నియు నీమాయలింతే యెత్తిన వెఱ్ఱులు లోకులిట్టే భ్రమతురు	॥పట్టి॥