ఆంధ్రభారతి - తాళ్లపాక అన్నమాచార్య కీర్తనలు - కలఁడా యింతటి దాత కమలనాభుఁడే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 343-6
సంపుటము: 4-255

తాళ్లపాక అన్నమాచార్య

రాగము: నాదరామక్రియ

కలఁడా యింతటి దాత కమలనాభుఁడే కాక కలఁడన్న వారిపాలఁ గలిగిన దైవము	॥పల్లవి॥
యిచ్చెను సంపద లితఁడింద్రాదులకునెల్ల యిచ్చెను శుకాదుల కిహపరాలు యిచ్చెను వాయుజునికి యిటమీఁద బ్రహ్మపట్ట- మిచ్చల ఘంటాకర్ణుని కిచ్చెఁ గుబేరత్వము	॥కల॥
కట్టెను ధ్రువపట్టము కమలజుకంటే మీఁద కట్టె విభీషణుకు లంకారాజ్యము కట్టియిచ్చె నజునికి గతచన్నవేదాలు కట్టెను శ్రీసతిచేత గంకణసూత్రములు	॥కల॥
పెట్టెను దేవతలకు పేరినమృతపువిందు వెట్టెను భక్తవత్సలబిరు దితఁడు యిట్టె శ్రీవేంకటాద్రి నిందరికిఁ బొడచూపి పెట్టెఁ దనపస్రాదము పృథివి జీవులకు	॥కల॥