ఆంధ్రభారతి - తాళ్లపాక అన్నమాచార్య కీర్తనలు - ఎదురేది యింక మాకు యెందు చూచినను నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 344-1
సంపుటము: 4-256

తాళ్లపాక అన్నమాచార్య

రాగము: దేసాళం

ఎదురేది యింక మాకు యెందు చూచినను నీ- పదము లివి రెండు సంపదలు సౌఖ్యములు	॥పల్లవి॥
గోపికానాథ గోవర్ధనధరా శ్రీపుండరీకాక్ష జితమన్మథా పాపహర సర్వేశ పరమపురుషాచ్యుతా నీపాదములే మాకు నిధినిధానములు	॥ఎదు॥
పురుషోత్తమా హరీ భువనపరిపాలకా కరిరాజవరద శ్రీకాంతాధిప మురహరా సురవరా ముచుకుందరక్షకా ధరణి నీపాదములె తల్లియును దండ్రి	॥ఎదు॥
దేవకీనందనా దేవేంద్రవందితా కైవల్యనిలయ సంకర్షణాఖ్య శ్రీవేంకటేశ్వరా జీవాంతరాత్మకా కావ నీపాదములె గతి యిహముఁ బరము	॥ఎదు॥