ఆంధ్రభారతి - తాళ్లపాక అన్నమాచార్య కీర్తనలు - వెఱపించబోయి తానె వెఱచెఁ దల్లి యశోద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 344-3
సంపుటము: 4-258

తాళ్లపాక అన్నమాచార్య

రాగము: పళవంజరం

వెఱపించబోయి తానె వెఱచెఁ దల్లి యశోద మఱచి యీబాలు నెట్టు మానిసెంటా నుండెనో	॥పల్లవి॥
వెంట రాకుమని కృష్ణు వెరపించి యశోద వొంటి మందలో గొంగ వున్నాఁడనె అంటి గొంగ యెందునున్నాఁడని నోరు దెరచితే పెంటలై బ్రహ్మాండాలు పెక్కు గానవచ్చెను	॥వెఱ॥
చందమామఁ బాడి తల్లి సరిఁ బొత్తుకు రమ్మంటే చందురుఁ జూచి కృష్ణుఁడు సన్నసేసెను ముందరఁ జంద్రుఁడు వచ్చి మొక్కితే యశోద చూచి ముందేలా యంటినో యని ముంచి వెరగందెను	॥వెఱ॥
పాలార్చి తొట్టెలలోఁ బండఁబెట్టి యశోద నీలవర్ణుఁ దొంగిచూచె నిద్దురో యని వోలి శంఖచక్రాలతో నురము శ్రీసతితోడ యీలీల శ్రీవేంకటేశుఁడై యున్నాఁడు	॥వెఱ॥