ఆంధ్రభారతి - తాళ్లపాక అన్నమాచార్య కీర్తనలు - అజ్ఞానులకివి యరుహము లింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 344-5
సంపుటము: 4-260

తాళ్లపాక అన్నమాచార్య

రాగము: దేసి

అజ్ఞానులకివి యరుహము లింతే సుజ్ఞానులకివి చొరనేలయ్యా	॥పల్లవి॥
దైవమునమ్మినదాసులకు కావింపఁగ మరి కర్మము లేదు దావతిజలనిధి దాఁటినవారికి వోవల మరియును వోడేలయ్య	॥అజ్ఞా॥
గురుకృప గలిగిన గుణనిధికి అరయఁ బాపపుణ్యము మరి లేదు విరసపుఁ జీఁకటి వెడలినవారికి పరగ మరియు దీపంబేలయ్య	॥అజ్ఞా॥
జగములెరుఁగు వైష్ణవులకును తగిలెటి యపరాధంబులు లేవు అగపడి శ్రీవేంకటాధిపుఁ గొలిచితే యెగువ దిగువ మాకెదురేదయ్య	॥అజ్ఞా॥