ఆంధ్రభారతి - తాళ్లపాక అన్నమాచార్య కీర్తనలు - హరి సర్వాత్మకుఁ డాదిమపురుషుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 344-6
సంపుటము: 4-261

తాళ్లపాక అన్నమాచార్య

రాగము: బౌళి

హరి సర్వాత్మకుఁ డాదిమపురుషుఁడు పొరి నెరుఁగువారి పుణ్యము గాన	॥పల్లవి॥
నాలుకకొననే నారాయణుఁడిదె వైళము దలఁచనివారిదె పాపము నేలయు మిన్నును నిజవైకుంఠము పోలించి చూడని పురుషుల వెలితి	॥హరి॥
మనసులోననే మాధవుఁడున్నాఁడు కనుఁగొనని వారికడ మింతే తనువే విష్ణుని తత్వసాధనము వొనరఁగ శ్రీపతి యున్నాఁడుగాన	॥హరి॥
చేరువ నిదివో శ్రీవేంకటపతి ధారుణిఁ గొలిచేటి దాసులభాగ్యము కారణ మితఁడే కలిగినదైవము కోరినవారల కొంగులపసిఁడి	॥హరి॥