ఆంధ్రభారతి - తాళ్లపాక అన్నమాచార్య కీర్తనలు - అని బ్రహ్మాదులెంచేరు హరి బాలలీలలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 345-1
సంపుటము: 4-262

తాళ్లపాక అన్నమాచార్య

రాగము: మేఘరంజి

అని బ్రహ్మాదులెంచేరు హరి బాలలీలలు వెనక శుకాదులచే వింటిమి నేమిదివో	॥పల్లవి॥
పొత్తులలోఁ బవ్వళించె పురుషోత్తముఁడు దొల్లి హత్తి మఱ్ఱాకుపైఁ బండినటువలెనె వొత్తగిలి బోరగిలి వుండఁజొచ్చెఁ గృష్ణుఁడు తత్తరానఁ గూర్మావతారమైన గతిని	॥అని॥
తప్పుటడుగులు వెట్టె తగఁ ద్రివిక్రముఁడై గొప్పపాదాలను భూమి గొలచినట్టు అప్పుడే కొదలు మాఁటలాడఁజొచ్చెఁ గృష్ణుఁడు తప్ప నసుర సతులఁ దగఁ బోధించినట్లు	॥అని॥
అచ్చపు రేపల్లెలోన నాడఁజొచ్చెఁ గృష్ణుఁడు మెచ్చుల వైకుంఠాన మెరసినట్లు నిచ్చలు శ్రీవేంకటాద్రినిలయుఁడై యున్నవాఁడు అచ్చుగ జీవులలోన నాతుమైనయట్లు	॥అని॥