ఆంధ్రభారతి - తాళ్లపాక అన్నమాచార్య కీర్తనలు - ఏదాయ నేమి హరి యిచ్చిన జన్మమే చాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 345-3
సంపుటము: 4-264

తాళ్లపాక అన్నమాచార్య

రాగము: లలిత

ఏదాయ నేమి హరి యిచ్చిన జన్మమే చాలు ఆదినారాయణుఁ డీయఖిలరక్షకుఁడు	॥పల్లవి॥
శునకముబతుకును సుఖమయ్యే తోఁచుఁగాని తన కది హీనమని తలఁచుకోదు మనసొడఁబడితేను మంచిదేమి కానిదేమి తనువులో నంతరాత్మ దైవమౌట దప్పదు	॥ఏదా॥
పురువుకుండేనెలవు భవనేశ్వరమై తోఁచు పెరచోటి గుంతయైన ప్రియమైయుండు యిరవై వుండితేఁజాలు యెగువేమి దిగువేమి వరుస లోకములు “సర్వం విష్ణుమయ”ము	॥ఏదా॥
అచ్చమైన జ్ఞానికి నంతా వైకుంఠమే చెచ్చెరఁ దనతిమ్మటే జీవన్ముక్తి కచ్చుపట్టి శ్రీ వేంకటపతిదాసుఁడైతే హెచ్చుకుందేమిలేదు యేలినవాఁడితఁడే	॥ఏదా॥