ఆంధ్రభారతి - తాళ్లపాక అన్నమాచార్య కీర్తనలు - ఎందరి వెంటల నేఁగేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 345-4
సంపుటము: 4-265

తాళ్లపాక అన్నమాచార్య

రాగము: ఆహిరి

ఎందరి వెంటల నేఁగేము చందపు హరి నీ శరణనియెదము	॥పల్లవి॥
పెంచినఁబెరుఁగును పెక్కుబంధములు తుంచినఁదునుఁగును దుఃఖములు యెంచఁగనేటికి యింద్రియమహిమలు చుంచుల హరి నీ సూత్రములివియే	॥ఎంద॥
పఱపినఁ బారును బహళపుటాసలు తఱపినఁ దరగును తన మదము వెఱవఁగనేఁటికి వెడకర్మములకు కఱకులహరి నీ కల్పితమివియే	॥ఎంద॥
చేసినఁ జెలఁగును జిగి సంసారము మూసిన ముణుఁగును మోహములు యీసులఁ శ్రీవేంకటేశ్వర యివి నీ- దాసులఁ దడవవు తగు నీమహిమ	॥ఎంద॥