అధ్యాత్మ సంకీర్తన
రేకు: 31-1
సంపుటము: 1-188
రేకు: 31-1
సంపుటము: 1-188
తాళ్లపాక అన్నమాచార్య
రాగము: ఆహిరి
| పారకుమీ వోమనసా పంతము విడువకుమీ మనసా పారిన నీవే బడగయ్యెదవు చేరువ నాఁడే చెప్పవె మనసా | ॥పారకు॥ |
| చింతించకుమీ శివునివైరిచే చిక్కువడకుమీ వోమనసా కంతువారకము వయసుఁ బ్రాయములు కావటికుండలు వోమనసా [1]యెంతే మేలుఁ గీడేకాలము ఎప్పుడు నుండదు వోమనసా సంతరించుకో వానిని మనసున సంతోషముగా వోమనసా | ॥పారకు॥ |
| యెన్నికలే తలపోయకుమీ యేమరకుండుమి వోమనసా కన్న విన్న వారిలో నెప్పుడు కాకుపడకుమీ వోమనసా పున్నమమాసలు పుడమిలో బదుకులు పోయివచ్చేవి వోమనసా మిన్నో నేలని మన్న దినములో మీఁదుచూడకుమి వోమనసా | ॥పారకు॥ |
| కన్నుల సంగాతము సేయకుమీ కళవళించకుమి వోమనసా వన్నెలమాటలు చెవులఁ బెట్టక వాసి విడువకుమి వోమనసా మున్నిఁటి సురలు బ్రహ్మాదులకైనను ముక్తిసాధనము వోమనసా వెన్నుని వేంకటగిరిపతిఁ దలఁచుము వేసారకుమీ వోమనసా | ॥పారకు॥ |
[1] ‘యెంతో మేలూఁ గీ’ అని పూ.ము.పా.