ఆంధ్రభారతి - తాళ్లపాక అన్నమాచార్య కీర్తనలు - కలదొక్కటే గురి కమలాక్ష నీ కరుణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 345-5
సంపుటము: 4-266

తాళ్లపాక అన్నమాచార్య

రాగము: పాడి

కలదొక్కటే గురి కమలాక్ష నీ కరుణ యిల నేనెట్టుండినాను యెంచకుమీ నేరమి	॥పల్లవి॥
మనసులోనికి గురి మాధవ నీ పాదాలు తనువుపై గురి నీ సుదర్శనము కనుచూపులకు గురి కమలాక్ష నీ రూపు పను లెన్నిగలిగినఁ బట్టకు నా నేరమి	॥కల॥
చేతులు రెంటికి గురి సేసేటి నీ పూజలు నీతి నా నాలికగురి నీ నామము కాతరపునుదుటికిఁ గల తిరుమణి గురి పాతకపు నావలనఁ బట్టకుమీ నేరము	॥కల॥
యిహపరాలకు గురి యీ నీ శరణాగతి సహజ మాత్మకు గురి సంతతభక్తి మహిలో శ్రీవేంకటేశ మన్నించి నన్నేలితివి బహువిధముల నింకఁ బట్టకుమీ నేరమి	॥కల॥