ఆంధ్రభారతి - తాళ్లపాక అన్నమాచార్య కీర్తనలు - అహోబలేశ్వరుఁ డఖిలవందితుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 346-4
సంపుటము: 4-271

తాళ్లపాక అన్నమాచార్య

రాగము: శ్రీరాగం

అహోబలేశ్వరుఁ డఖిలవందితుఁడు మహి నితనిఁ గొలిచి మనుఁ డిఁక జనులు	॥పల్లవి॥
మూఁడుమూర్తులకు మూలం బీతఁడు వేఁడిప్రతాపపు విభుఁ డీతఁడు వాఁడిచక్రాయుధవరధుఁ డీతఁడు పోఁడిమిఁ బురాణపురుషుఁ డీతఁడు	॥అహో॥
అసురలకెల్లఁ గాలాంతకుఁ డీతఁడు వసుధ దివ్యసింహం బితఁడు విసువని యేకాంగవీరుఁ డీతఁడు దెసలఁ బరాత్పరతేజం బితఁడు	॥అహో॥
నిగిడి శ్రీవేంకటనిలయుఁ డీతఁడు బగివాయనిశ్రీపతి యితఁడు సొగిసి దాసులకు సులభుఁ డీతఁడు తగు నిహపరములదాతయు నీతఁడు	॥అహో॥