ఆంధ్రభారతి - తాళ్లపాక అన్నమాచార్య కీర్తనలు - అంజినీదేవికొడుకు హనుమంతుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 346-5
సంపుటము: 4-272

తాళ్లపాక అన్నమాచార్య

రాగము: మాళవి

అంజినీదేవికొడుకు హనుమంతుఁడు సంజీవిని దెచ్చినాఁడు సారె హనుమంతుఁడు	॥పల్లవి॥
కలశాపురముకాడ కదలీవనాల నీఁడ అలవాఁడె వున్నవాఁడు హనుమంతుఁడు అలరుఁ గొండలకోన లందలిగుహలలోన కొలువు సేయించుకొనీఁ గోరి హనుమంతుఁడు	॥అంజి॥
పసలుగా జంగవెట్టి పండ్లగుత్తి చేతఁబట్టి అసురలనెల్లఁ గొట్టీ హనుమంతుఁడు వసుధ బ్రతాపించి వడిఁ దోఁక గదలించి దెసలెల్లాఁ బాలించీ దివ్యహనుమంతుఁడు	॥అంజి॥
వుద్దవిడి లంకచొచ్చి వుంగరము సీతకిచ్చి అద్దివో రాము మెప్పించె హనుమంతుఁడు అద్దుక శ్రీవేంకటేశు కటుబంటై వరమిచ్చి కొద్ది మీర సంతోసాలే గుప్పీ హనుమంతుఁడు	॥అంజి॥