ఆంధ్రభారతి - తాళ్లపాక అన్నమాచార్య కీర్తనలు - ఏడకేడ నీచెరిత లేమని పొగడవచ్చు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 347-1
సంపుటము: 4-274

తాళ్లపాక అన్నమాచార్య

రాగము: శ్రీరాగం

ఏడకేడ నీచెరిత లేమని పొగడవచ్చు యీడులేని మహిమల యినవంశరామా	॥పల్లవి॥
పరమాన్నములోఁబుట్టి పక్కనఁ దాటకిఁ జంపి సరుస విశ్వామిత్రుయజ్ఞము గాచి హరునివిల్లు విరిచి యట్టె సీతఁ బెండ్లాడి పరశురామునిచేత బలము చేకొంటివి	॥ఏడ॥
వైపుగాఁ సుగ్రీవుఁ గూడి వాలి నొక్కకోల నేసి యేపున జలధి గట్టి యెసగితివి దీపించు రావణుఁ జంపి దివిజులను మన్నించి యేపుగా విభీషణుని రాజ్య మేలించితివి	॥ఏడ॥
సీతతోఁ బుష్పకమెక్కి జిగి నయోధ్యకు వచ్చి గాతల రాజ్యపట్టము గట్టుకొంటివి యీతల శ్రీవేంకటాద్రి నిటు విజనగరాన నీతితో నెలవుకొని నెగడితివి	॥ఏడ॥