ఆంధ్రభారతి - తాళ్లపాక అన్నమాచార్య కీర్తనలు - సులభుఁ డీతఁ డిదివో సుగ్రీవనారసింహుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 347-2
సంపుటము: 4-275

తాళ్లపాక అన్నమాచార్య

రాగము: ఆహిరి

సులభుఁ డీతఁ డిదివో సుగ్రీవనారసింహుఁడు చెలఁగి మొక్కులు మొక్కి సేవించరో	॥పల్లవి॥
నవ్వులమోమువాఁడు నానామహిమలవాఁడు రవ్వలుగా దేవతల రక్షించేవాఁడు వువ్విళ్ళూర కంభములో నుదయించినవాఁడు నివ్వటిల్లు ప్రతాపాన నెగడినవాఁడు	॥సుల॥
హేమపుచాయలవాఁడు యెదుటఁగొల్వున్నవాఁడు కోమలిఁ దొడపై నిడుకొన్నవాఁడు కోమలపుమేనివాఁడు గొప్పకిరీటమువాఁడు చేముంచి హిరణ్యదైత్యుఁ జించినవాఁడు	॥సుల॥
వాలుకగోళ్లవాఁడు వాఁడికోరలవాఁడు మేలిమికరుణతోడ మించినవాఁడు వోలిఁ దుంగభద్రకాడనుండి శ్రీవేంకటాద్రిని లీలతోఁ బ్రహ్లాదుని కేలికెయైనవాఁడు	॥సుల॥