ఏల పొరలేవులేవే యింతలోని పనికి మాలయింటితోలుకప్పు మాయ లిటువంటివి	॥ఏల॥
చిక్కుల తమకముల చీఁకటి గప్పిన నాఁడు యెక్కువ వాసనలౌ[1] హేయపుమేను వెక్కసపు ప్రియమది[2] విరిగితే రోఁతలౌ లక్కపూఁత కపురు లీలాగు లిటువంటివి	॥ఏల॥
మించిన చిత్తములో మేలుగలిగిన నాఁడు యెంచరాని చవులౌ నెంగలిమోవి పెంచుకంటే కష్టమౌ ప్రియము దీరిన నాఁడు చంచలపు చిత్తముల చంద మిటువంటిది	॥ఏల॥
వెల్లిగొను సురతపువేళ[3] మరపుల యింపు కొల్లలాడుటౌ కొనగోరి తాఁకులు నల్లితిండౌ[4] మరి మీఁద మరగితే రోఁతలౌ(?) వుల్లమిచ్చే వేంకటేశు వొద్ది కిటువంటిది	॥ఏల॥

---

^[1] నిడురేకు 83- సనదౌను.

^[2] నిడురేకు 83- ప్రేమమది. (1-2 చరణములు వెనుకముందై కలవు)

^[3] నిడురేకు 83- వెడమర.

^[4] నిడురేకు 83- డౌఁగాక నలగిన నింతలోనే.