ఆంధ్రభారతి - తాళ్లపాక అన్నమాచార్య కీర్తనలు - రాముఁడు లోకాభిరాముఁ డందరికి రక్షకుఁ డీతనిఁ దెలిసి కొలువరో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 347-4
సంపుటము: 4-277

తాళ్లపాక అన్నమాచార్య

రాగము: నాట

రాముఁడు లోకాభిరాముఁ డందరికి రక్షకుఁ డీతనిఁ దెలిసి కొలువరో కామితఫలదుఁడు చరాచరములకుఁ గర్తయైన సర్వేశ్వరుడితఁడు	॥పల్లవి॥
తలఁప దశరథుని తనయుఁడట తానెతారకబ్రహ్మమట వెలయ మానుషపు వేషమట వెగటుగ హరువిల్లు విరిచెనట అలరఁగ తానొక రాజట పాదాన నహల్యశాపము మాన్చెనట సొలవక దైవికమానుషలీలలు చూపుచు మెరసీఁ జూఁడరోయితఁడు	॥రాము॥
జగతి వసిష్ఠునిశిష్యుఁడట జటాయువుకు మోక్ష మిచ్చెనట అగచరులే తనసేనలట అంబుధి కొండలఁగట్టెనట మగువకొరకుఁగానట కమలాసను మనుమనిఁ రావణుఁ జంపెనట తగ లౌకికి వైదికములునొక్కట తానొనరించీఁ జూడరో యితఁడు	॥రాము॥
వెస నమరుల వరమడిగెనట విభీషణపట్టము గట్టెనట యెసగ నయోధ్యకు నేలికట యింద్రాదులకుఁ గొలువిచ్చెనట పొసగ శ్రీవేంకటగిరి నివాసమట భువనము లుదరంబున ధరించెనట సుసరపుసూక్ష్మాధికములు తనందుఁ జూపుచునున్నాఁడు చూడరో యితఁడు	॥రాము॥